أكثر 5 أخطاء شائعة عند متداولين أسواق الأسهم

1) التعامل الخاطئ مع الخساره فيه طريقتين للتعامل الصحيح مع الصفقات الخاسره

الطريقه الاول هى ايقاف الخساره بانك تقفل الصفقه بالكامل ودى الطريقه الافضل من وجهه نظرى

الطريقه الثانيه هى تقليل الخساره بحيث انى بقفل جزء من الصفقه وارجع اشتريه تانى مره فى حاله وضوح الرؤيه وممكن نكررالموضوع ده فى حاله انك يبقى معاك كميه كبيره دى بيستخدمها اكثر الناس الى بتشتغل تحليل اساسى وعندهم قيمه عادله السهم بعيد عنها

التعامل الخاطئ مع الصفقات الخاسره انك تترك الصفقه بدون اى تدخل فيها وتفضل تخسر لحد ما تبقى الخساره كبيره جدا وتبقى مش عارف تعمل ايه وتسيب نفسك لغايه ما السوق يصلح غلطتك او تخرج فى النهايه من السوق مجبر بعد ما تكون خسرت كل او معظم رأس مالك وتلعن النوع ده من الاستثمار

.

2)الصبر على الخساره وعدم الصبر على المكسب من الاخطاء القاتله الى بتؤدى فى النهايه الى تآكل راس المال

توصل معاك الخساره الى 20الى 40% وتفضل صابر على السهم واول ما السهم يكسب 10% تبيعه

الطريقه الصحيحه فى التعامل انك تخلى المكسب 20% ويبقى ده الهدف بتاعك والخساره 10% يعنى على الاقل المكسب المستهدف يبقى ضعف الخساره وبكده المحفظه تنمو وتبقلظ

.

3) عمل متوسطات سعريه فى الاتجاه الهابط

الطبيعى انى ازود الكاش وانا وجهه نظرى صح وعلشان اتأكد انى صح لازم السهم الى انا اشتريته يطلع وبعد ما اشتريه

اغلب المتداولين بيعملو العكس بيفضلو يزودو كمياتهم والسهم نازل لغايه ما فلوسهم تخلص وبعد كده يستنو السوق يصلح غلطتهم او يخسرو خساره فادحه

.

4)التداول الانتقامى

المتداول بعد الخساره الكبيره بيسيطر عليه فكره الانتقام من السهم او السوق وطبعا بياخد قرار غلط لما تخسر خساره كبيره ابعد فتره عن السوق اعرف فيها اخطاءك وبعد كه ارجع اشتغل

.

5) الرافعه الماليه (المارجن )

من اكثر الاخطاء تدميرا لرأس المال استخام المارجن يفضل عدم استخدامه تماما

او استخدامه بحرص شديد

كريم دغيم (CETA-CFTe)