إستغاثة للدكتور رضا حجازي وزير التربية والتعليم والتعليم الفني

أرسل هيثم إستغاثه لرئيس الجمهورية والدكتور رضا حجازى وزير التربية والتعليم من أجل حق إبنه يزيد الذي يبلغ من العمره 14 سنه.
وقال : “يزيد مدرس ضربه في مدرسه خاصه علشان غلطته مخدش درس مع المدرس و اتلككله و ضربه ضرب مبرح قصاد زمايله كلهم و قفل الفصل عليهم لحد ما خلص ضرب”.

وأضاف :”عملت محضر و تقرير طبي و مشيت قانوني و عملت شكوي في مجلس الوزراء و شكوي في نجدة الطفل و للأسف مدير المدرسه بيحاربنا و بيجيب شهود زور إن الولد وقع و بيستخدم نفوذه و بيهددني بإيذاء زوجي و أولادي إللي في المدرسه و إنه هيلفقلي قضايا عشان أتنازل و بيهدد المدرسين عشان يشهدوا زور و بيخفي الكاميرات حتي لما جبت أذن النيابة بتفريغها رفض تنفيذه لأن الكاميرات مصوره المجزره اللي حصلت للولد”.
وقال :”أعمل إيه و أجيب حق الولد إزاي, الولد منهار و خايف منزلش مدرسته من شهر وبيقولي انا مش عايز اعيش في مصر بيقولي انا مش عارف اخد حقي فيها” .

وناشد المسؤولين “عايزة حق يزيد من فضلكم ساعدوني اخد حق يزيد ابني نفسيته اتدمرت و كل ما بشوفه بنهار” .